Información sobre a batería e o cargador
O dispositivo funciona cunha batería recargable. A batería deseñada para utilizarse co dispositivo é a BL-4C. Nokia pode fabricar
modelos de batería adicionais para este dispositivo. O dispositivo está deseñado para utilizarse cos seguintes cargadores:
AC-3. O número exacto do modelo do cargador pode variar dependendo do tipo de enchufe. O tipo de enchufe pode ser un dos
seguintes: E, EB, X, AR, U, A, C, K, ou UB.
A batería pode cargarse e descargarse centos de veces, pero finalmente, desgástase. Cando a duración da batería no modo de
espera e durante as conversas telefónicas se reduza considerablemente, substitúaa. Utilice unicamente baterías autorizadas
por Nokia e recárgueas unicamente con cargadores autorizados por Nokia deseñados para utilizarse con este dispositivo.
Se utiliza unha batería por primeira vez ou se esta non se utiliza dende hai moito tempo, é posible que sexa necesario conectar
o cargador, desconectalo e volvelo conectar para comezar a cargar a batería. Se a batería está completamente descargada, é
posible que teña que esperar varios minutos para poder efectuar chamadas e para poder visualizar o indicador de carga na
pantalla.
Extracción segura. Apague sempre o dispositivo e desconecte o cargador antes de extraer a batería.
Carga axeitada. Desconecte o cargador da toma de corrente e do dispositivo cando non o utilice. Non deixe unha batería
completamente cargada conectada a un cargador, xa que o exceso de carga pode reducir a súa vida útil. Se non se utilizan, as
baterías cargadas perden a súa carga co paso do tempo.
Evite someter o dispositivo a temperaturas extremas. Intente manter sempre a batería a unha temperatura comprendida entre
os 15ºC e os 25ºC. A exposición da batería a temperaturas extremas reduce a capacidade e a vida útil da mesma. É posible que
o dispositivo non funcione temporalmente se a batería está fría ou quente. O rendemento da batería é especialmente limitado
a temperaturas situadas por debaixo de 0ºC.
Non provoque curtocircuítos. É posible que se produzan curtocircuítos accidentais se un obxecto metálico, coma unha moeda,
un clip ou un bolígrafo provoca un contacto directo dos terminais positivo (+) e negativo (-) da batería. (Os terminais teñen o
aspecto de tiras metálicas na batería). Isto pode ocorrer, por exemplo, cando transporta unha batería de reposto no peto ou
no bolso. Os curtocircuítos nos terminais poden danar a batería ou o obxecto que realiza o contacto.
Como desfacerse da unidade. Non bote as baterías ao lume, xa que poderían explotar. Respecte as normativas locais no
momento de desfacerse das baterías. Recicle as baterías cando sexa posible. Non as deposite en lugares destinados aos residuos
domésticos.
Fugas. Non desmonte, corte, abra, esmague, dobre, perfore nin triture as pilas nin as baterías. No caso de que se produza unha
fuga na batería, evite que o líquido da batería entre en contacto coa pel ou os ollos. Se isto sucede, lave as zonas afectadas
inmediatamente con auga ou acuda a un médico.
Danos. Non modifique, reconstrúa nin intente inserir obxectos estraños na batería, nin a expoña ou somerxa en auga ou outros
líquidos. As baterías poden explotar se están danadas.
Uso correcto. Utilice a batería unicamente para o uso para o que foi deseñada. O uso non axeitado da batería pode provocar
un incendio, unha explosión e outros perigos. Se deixa caer o dispositivo ou a batería, especialmente sobre unha superficie
Información do produto e de seguridade 27
dura, e cree que a batería puido quedar danada, envíea a un centro de servizo técnico para revisala antes de continuar
utilizándoa. Nunca utilice cargadores nin baterías danadas. Manteña a batería fóra do alcance dos nenos.
Coidado do dispositivo
O dispositivo é un produto que dispón dun deseño e artesanía superiores e debe ser tratado con coidado. As seguintes suxestións
axudaranlle a conservar a cobertura da garantía.
•
Manteña o dispositivo seco. As precipitacións, a humidade e todos os tipos de líquidos poden conter minerais que
produzan a corrosión dos circuítos electrónicos. Se o dispositivo entra en contacto coa auga, retire a batería e agarde a
que o dispositivo se seque completamente antes de volver a colocala.
•
Non utilice nin almacene o dispositivo en lugares sucios e poeirentos, xa que poderían producirse danos nas súas pezas
móbiles e nos compoñentes electrónicos.
•
Non garde o dispositivo a temperaturas elevadas ou reducidas. As temperaturas elevadas poden reducir a vida útil dos
dispositivos electrónicos, danar as baterías e deformar ou derreter determinados plásticos. Cando o dispositivo regrese
á súa temperatura normal dunha temperatura reducida, é posible que se forme humidade no interior do mesmo e que
se produzan danos nas placas dos circuítos electrónicos.
•
Non intente abrir o dispositivo dun xeito distinto ao indicado nesta guía.